東網電視
更多新聞短片
影星甄子丹與太太汪詩詩昨晚（17日）以大使身份出席無名英雄人道獎頒獎及慈善餐舞會，活動表揚無私付出及捐獻的人，問到兩人心目中的英雄，詩詩稱一定是其父母，至於作為愛妻號的子丹就笑言：「我一定係講我太太，佢為家庭嘅付出好偉大，但當然我哋做嘅嘢其實都好微不足道。（將來有冇諗過要將身家捐畀慈善機構？）我捐幾多都唔係一個好大數目，所以我兩年前成立咗個慈善機構，主力係幫助本地小朋友同弱勢社群，我太太之前都去過天水圍探訪低收入家庭。」
甄子丹高呼太太係佢嘅「英雄」，打點成頭家。
佢指自己兩年前成立慈善機構，一直幫弱勢社群。
佢做監製同導演嘅《喬峰傳》搞緊後期，個幾月後可以完成。
夫婦倆近年經常不在港，他們透露聖誕會留港度過，而在外地讀書的小朋友也會回港共聚天倫。至於工作方面，子丹表示近期則忙於為電影《天龍八部之喬峰傳》進行後期製作：「套戲花咗好多心機，我又兼做監製同導演，武俠小說翻拍成電影好有難度同複雜，有太多層次，希望以新角度去拍，依家仲做緊後期，預計要做多個幾月可以完成，幾時上映就要等發行商決定。」
