城城勁舞賀台慶 朱晨麗黃智雯晒半球鬥搶「峰」頭

2022年11月20日 00:00
東網電視
更多新聞短片
無綫《傳承.狂歡55:萬千星輝賀台慶》昨晚(19日)假電視城隆重舉行,全台出動逾300位旗下藝人賀壽,天王郭富城更率領約55位Dancers以壓軸嘉賓身份登場,名副其實星光熠熠。而紅地氈上一眾女藝人亦波濤「胸」湧,辣㷫全場!
台慶紅地氈一眾女藝人難免爭妍鬥麗搶鏡,張曦雯、戴祖儀、關楓馨、廖慧儀等靚女清一色拋胸登場,朱智賢化身「迷人Pink Lady」露深溝兼晒小蠻腰,黃智雯與湯盈盈不約而同大Deep V贈興,朱晨麗則大晒半球,李芷晴更盡谷湯碗胸搶鏡。年年有驚喜的陳自瑤今年卻封胸,與高海寧及邵初不約而同大玩透視誘惑,骨感蔡潔則選擇「五花大綁」送驚喜。陳瀅被安排與JW翹實周嘉洛同行,兩女大露背登場齊齊做「影後」。
宋宛穎黃嘉雯着「姊妹裝」
日前傳不和的宋宛穎及黃嘉雯齊齊受訪,以鮮紅性感「姊妹裝」亮相,問到兩人事前是否夾過?黃嘉雯說:「真係冇夾過,可能連個天都想畀人知件事唔係真嘅。」宋宛穎則無奈說:「係咪認錯人呢?嗰日我哋排舞好開心。(你哋出席公關飯局冇偈傾喎!)嗰日係我哋第一次食飯,應該係位置問題啫!」朱晨麗則笑指自己近年罕有性感,遇上台慶覺得要「着得靚啲」,才派眼睛冰淇淋。
何沛珈「再選港姐」奪冠
何沛珈、李芷晴及陳懿德成為《香港小姐再競選》三甲人選,昨晚經過穿上比堅尼進行比賽後,宣布冠、亞、季軍分別是何沛珈、李芷晴及陳懿德。賽前被問到是否將紅地氈當熱身賽時,何沛珈笑說:「我攞裙先知咁性感。」李芷晴則打趣說:「我哋係天使與魔鬼嘅組合!」兩人笑言事後會勁擦一餐作大解放。曾參選港姐的莊思明、劉溫馨及麥皓兒等在環節《Beauty & the Beat》內換上性感舞衣,一輪勁歌熱舞後更「爆衫」露出Bra Top,雖然整體舞技一般,依然令全場氣溫飆升!
至於壓軸嘉賓郭富城相隔8年重遊電視城,他直言相當懷念:「上次返嚟係2014年攞唱片銷量獎。我本身係1984年舞蹈組出身,今次台慶55周年有個向舞蹈組致敬嘅環節,好能夠表達傳承同鼓勵嘅精神,我返嚟見番啲同期同學同舞蹈組老臣子,真係好開心,呢度畀到好多溫暖同回憶自己。(返嚟拍劇?)我今次淨係返嚟表演,冇其他諗法嘅,不過我下個月先有電影開,已經相約舞蹈組老朋友去飲茶敍舊。」城城又感激資深舞蹈組老師鍾浩多年來對他的支持:「當年我轉去藝訓班,佢有叫我留低轉做排舞師,又同我講如果藝訓班唔適合,可以返番去舞蹈組,佢係我嘅後盾。」對於有網民偷拍他一家六口飯敍,他回應:「對方真係好冇禮貌,全程未經我同意,我有叫佢尊重吓自己,其實我係唔想佢兜口兜面咁影我兩個小朋友。」他接受完訪問,劉穎鏇及鄺潔楹即趨前攝位集郵,十分搞笑。而當城城表演時,全場起哄,不少藝人個個拿着手機「追星」。