容祖兒親臨瀑布前開騷　怕凍病影響演出唔敢朝聖

天后容祖兒（Joey）近日飛到加拿大尼亞加拉瀑布城舉行世界巡迴演唱會，難得可以親眼目睹咁氣勢磅礴嘅瀑布，加上布滿白雪嘅仙景，當然唔可以放過機會拍照打卡留念，Joey喺社交網上載於瀑布前嘅自拍照，見佢居高臨下遠眺瀑布景色，但原來呢張相佢只係留喺酒店房離遠拍攝，全因怕凍未有親身前往朝聖，佢笑指：「我認，我驚冷親，一步都唔敢離開間房，雖然我好想。」又指：「我好想滑雪、好想瞓喺雪上面，好想睇瀑布，又想去瀑布前面跳舞，但我只可以咁住睇住個瀑布欣賞佢。」並解釋其實有苦衷，因怕凍病影響演出：「責任重大，命仔要緊，觀眾們冒着大風雪入場，一定要畀個goodshow佢哋睇。」認真大犧牲。