東網電視
更多新聞短片
歌手吳若希（Jinny）即將舉行香港首個個人演唱會，連日來佢不停於社交網落力宣傳，仲不惜拍片重溫入行至今嘅是非黑歷史造勢，更自認年輕時火爆，現時EQ高了不少。話口未完，即有網民再挑機，發文貼出其演唱會售票頁面，指門票滯銷，引得Jinny親自出面回應：「謝你幫我宣傳～～～係呀～大家記得支持！下星期日就係啦。」其曲線宣傳手法更贏得網友力撐：「即刻買兩張支持先」。另有網民到其社交網留言：「送飛都唔睇啦，唔該到時宣布埋離婚」，Jinny亦收起火力，幽默回應：「你咁期待我宣布離婚嘅？你係咪好想娶我呀？唔好啦...」盡顯高EQ！
對於演唱會售票情況，Jinny表示銷情不錯，已賣出8、9成飛，只剩下平價飛，又透露暫時演唱會有1位跳唱新人作嘉賓，被問到會唔會邀請「勁敵」菊梓喬，佢就直認有考慮，但聽聞對方唔喺香港，所以未能成事。
吳若希即將舉行個唱。
日前拍片自認EQ高咗。
即有網民挑機指其個唱門票滯銷。
要口出惡言希望佢同老公離婚。
但惹火嘅吳若希冇爆Seed，反而多謝網民曲線宣傳。
用行動證明自己高EQ！
