疫情後第一飛！米雪馬國出騷開心見到林子祥

藝人米雪早前到馬來西亞為亞視主席兼執行董事賴彩雲，舉辦的慈善活動《愛無界．真英雄公益頒獎典禮》擔任頒獎嘉賓。米雪此行雖然行色匆匆，但為善出力，加上疫情後第一飛，仍難掩興奮心情。3年沒有離港的她指在疫情下連拍戲也變得困難：「縱使電視劇唔會停拍，但係拍攝上都會出現困難，但辛苦都要去做好每件事。」

活動上米雪開心與擔任表演嘉賓的林子祥碰面：「最開心同場見到林子祥，雖然大家都係來去匆匆，但難得相遇，其實佢都係我心目中嘅真英雄，為樂壇貢獻咁多。」賴彩雲則封米雪為偶像，她說：「我都係睇港劇大嘅，米雪係港劇入面嘅風雲人物，能邀請到佢出席好開心。」她又指米雪與亞視好有淵源，早年拍佳視劇集《射雕英雄傳》走紅，又拍過亞視經典劇集《大内群英》、《秦始皇》等，是亞視先驅。她又指今亞視依然求創新，希望大家多給時間讓亞視更上一層樓。