東網電視
更多新聞短片

藝人譚永浩(Jarryd)於劇集《仁濟心》中,飾演患有輕度智障的視障人士,為了演好角色,Jarryd除了事前做足功課,更挑戰全程閉眼演戲,Jarryd笑言:「要多謝監製林肯同埋導演,佢哋圍讀時好用心去Tune我嘅語氣同節奏,我亦都參考咗《一路瞳行》嘅惠英紅。同埋我全程要合埋眼演出,好多走位都要靠拍檔Jumbo(曾淑雅)同埋蔣家旻去帶住,用道具時要靠手感,變相好體會到視障人士嘅日常生活,會更容易投入到。」Jarryd又指很感激袁偉豪讚他是劇集亮點:「佢仲話如果有一套關於呢個角色嘅劇畀我去演,有機會係我嘅代表作。」
至於飾演Jarryd劇中家姐的Jumbo,亦坦言角色很大挑戰:「我以前主要做開女朋友或者好開心嘅角色,今次呢個角色最大挑戰就係有啲苦情戲要處理。因為我不嬲畀人感覺都係開朗,同埋笑容燦爛。」Jumbo還透露遭監製林肯勒令練習「靚靚苦情樣」:「我自己都知自己有呢個問題,因為試鏡嘅時候,或者睇番自己拍嘅片,都望到自己表情會比較誇張啲,所以要多啲對鏡練習番一個上鏡少少、但又貼地嘅苦情樣。」

曾淑雅與譚永浩合作。

譚永浩話好多走位都要靠拍檔曾淑雅(左)同埋蔣家旻帶住。

曾淑雅同蔣家旻鬥戲。

曾淑雅被勒令練「靚靚苦情樣」。