練美娟沈殷怡參加《超識玩》　超市內任掃1分鐘

藝人娟姐練美娟和沈殷怡（Shirley）早前組隊參加問答遊戲綜藝節目《超識玩》，2人展示美貎與智慧並重，在初賽中順利勝出，贏得一份大禮，就是在在超市內任掃1分鐘，娟姐事前已搜集定資料，像做了軍師，帶領着Shirley在超市內巡視並陪署，娟姐目標是「搶貴嘢」和「要快手」，她對着Shirley說:「你唔好慢吞吞，要跟我進度。」她瞄準要買貴價米和貴價油等，Shirley就笑言：「我想買芝士呀！」娟姐卻拒絕「擺唔耐呀！」1分鐘開始倒數，娟姐負責推車，Shirley負責執貨，娟姐指揮說：「500蚊唔知乜嘢，是但攞啦！我見錢就攞，600蚊攞啦!拖板啦！啲人話一定要攞拖板。」

主持強尼笑問：「究竟你哋知唔知攞咗乜？」娟姐直言：「貴呀，性價比高，我攞咗除濕機、洗手液機呀！」強尼取笑她們是否轉行做了水電，並寸娟姐說：「你又話唔想做師姐角色，好難幫你喎！」