李元玲年尾盡地一煲　公開終極水着寫真呃Like

嚟到年尾，唔少人都會作年度總結，回顧過去一年發生嘅點滴，不過馬來西亞「鋼琴女神」李元玲就有另類花招，趁年尾於社交網晒出終極水着寫真大派福利，嚴寒晒泳照，認真估佢唔到！相中見佢以粉紅色三點式上陣，再戴上超長頸鏈，頸鏈啱啱好攝入「雙峰」之間，突出事業線，相當吸睛。佢除咗大玩濕身誘惑外，又趴低玩「倒奶」，擺盡誘人甫士，佢留言問道：「2022年最後一冊泳裝寫真。喜歡哪一張？」粉絲即表示：「都喜歡！」