「龔水CP」結婚周年　呂慧儀狂Po相晒恩愛

藝人呂慧儀（長腳蟹）跟張景淳在處境劇《愛‧回家之開心速遞》中飾演態若水和龔燁，他們這對「龔水CP」一直深受劇迷歡迎，阿蟹在社交網上載番上年同龔燁拍攝婚紗及花絮照，她寫道：「龔水結婚一周年，由11廠拍到總統套房，由街市拍到山頂，由熱拍到凍，終於可以出相嘞，係好開心嘅！」

她續寫：「今年除咗食多咗風，吸收多咗維他命D，曬黑咗一邊膊頭，練好咗腳骨力，仲同上年一樣影咗好多相添！但睇嚟睇去，龔生個樣都無上年咁寬容，點解呢？點解呢？」大家睇完就明晒喎！網友紛紛留言恭喜龔水結婚周年快樂，大讚兩人好sweet好溫馨，仲有人追問：「下一個一周年，龔圓是不是該誕生了呢？」雖然是劇照、拍攝花絮相啫，但兩人真係默契十足，襯到絕，話係真結婚都有人信囉。