東網電視
更多新聞短片
今晚（29日）舉行的《新城勁爆頒獎禮2022》，不少網民包括「人氣王」姜濤都紛紛詢問有甚麼方法可收看直播，因腳傷未愈而缺席的姜濤，發文問一眾粉絲「姜糖」：「哪裏可以看？」然而如需觀看網上直播，要付款398元參加名為「新城會員金會藉」，會藉內容是可獲1張網上通行證即只限一部裝置可收看，並可於12個月內無限次重溫新城節目，以及在節目《無縫音樂》中有1次點唱的機會。由於非如叱咤頒獎禮可免費收看，惹來大批網民批評：「課金398蚊先有得睇直播，有冇搞錯？」、「邊到嚟嘅自信？903都唔敢收錢啦！」、「食相唔好睇！」、「online pass四舊水太貴！」
姜濤問一眾「姜糖」邊度有得睇頒獎禮！
姜濤因傷缺席！
「勁爆人氣偶像」3個獎都由男團MIRROR成員奪下，分別為柳應廷（Jer）、江𤒹生（AK）及呂爵安（Edan）。他們得獎後表現冷靜，Jer向鏡頭打招呼。首先Edan感謝ViuTV高層及經理人「金魯花」（金廣誠、魯庭暉、花姐），以及一直支持的粉絲，並指會繼續努力。而一向直率的AK除了感謝粉絲外，表示：「今年唔係一個容易過嘅一年，希望下一年你哋會繼續信。」
Jer表現輕鬆！
Edan感謝ViuTV高層及經理人。
AK話今年唔係一個容易過。
Edan（左起）、AK及Jer奪「勁爆人氣偶像」。
歌手陳健安（On仔）憑《創作者的派對》及《厭惡物圖鑑》奪得「音樂製作」獎，On仔坦言係冇諗過攞呢個獎：「呢個獎好重，代表嘅意義係所有嘢，包括曲詞編監、形象，甚至MV，覺得自己未應該攞呢個獎，攞到係好大鼓舞。」他表示一直以來只幫C AllStar做過歌曲監製，將來有機會他絕對不介意幫其他歌手做監製。稍後他會為ViuTV的《全民造星V》擔任導師，他都打算跟他們分享經驗。
雲浩影（Cloud）奪得「勁爆新人」獎，她笑說：「我有諗過攞獎，因為除咗呢個獎，其他獎都冇乜機會，所以攞到獎都開心，希望將來有自己創作嘅作品面世。」
On仔奪得「音樂製作」獎。
雲浩影奪得「勁爆新人」獎。
