戴祖儀與家人出遊東京　開心Share吃喝玩樂靚相

自從本港入境檢疫措施鬆綁，大批市民報復式出遊，首選地點當然是港人最愛的日本，歌手戴祖儀近日就與家人出遊東京，更把吃喝玩樂靚相上載社交網站，與粉絲開心Share，她接受東網訪問時，透露對上一次到日本旅遊已是疫情前，不經不覺已有3年之久，近日見家人也很清閑，即來一個突發旅行：「都係突發買幾張機票，即刻飛去玩幾日，所以都冇乜明計劃行程，每一日都要喺餐廳食嘢，因為屋企人都年紀大，唔係行得太遠，變咗呢個旅行主要都係以食為主，每一晚都有揀啲餐廳去食，所以都幾開心。」席間，祖儀更化身美食Blogger，拍下大量美食片段及靚相，準備稍後放上社交網站，笑指大家要密切留意。

而除了四圍尋美食，祖儀當然不放過機會Shopping，見她孭住名牌手袋之餘，手上亦拎住一大袋名牌戰利品，看來趁日圓低大出血，買到滿載而歸為止。