氹掂老公唔住日本 林志玲一家三口定居台灣

2023年01月20日 12:01
東網電視
更多新聞短片
「台灣第一名模」林志玲2019年下嫁日本天團「放浪兄弟」成員ARIKA,及後隨夫定居日本並宣布產子,許久未有新作品,直到去年9月先返老家台灣。正當大家以為佢哋只係為出Job而返台之際,原來林志玲已經氹掂老公唔再住喺日本,目前一家三口定居林志玲老家台南,尋日(19日)林志玲更晒出去蔡康永創作展嘅靚相,私下依然盡滲仙氣驚艷網友。
如今林志玲定居台灣,除咗可以見網友之外,佢仲可以成日見好友,今次佢就現身蔡康永嘅創作展,又晒相留言:「就這樣,感受每一個字打在身上的共鳴聲;也許聲嘶力竭,也許輕聲細語,好像每一幅畫都有自己的故事,透過每一句話都獲得了一種療愈。然後~把你替我們收着的話,收到自己心裏」足見兩人好交情。