王力宏賭城復出騷飛賣唔晒　急晒新歌吸客

台灣天王王力宏即將喺農曆新年大年初七（28日）假美國拉斯維加斯舉辦復出騷「ONE LeeHom Wang」演唱會，高調回歸娛樂圈，當時公布佢仲晒出長髮兼大隻「谷胸」相，務求以最佳狀態示人。不過據官方公布，仲有5日就開騷嘅佢，原來啲飛仲未賣晒，只係話「接近全滿」。據悉，王力宏將會首度演唱2首新歌，依家佢哋就公布其中一首名為《ONE一個》，既係演唱會同名歌曲，亦寓意「許多的『一個』，就是『每一個』」，這首歌靈感來自讓王力宏獲得力量嘅聖經。

新歌歌詞提到人生有好多個「一次」可以改變「一個人」，仲話「長路裏 共患難 才是不離不棄」，似乎係寸爆前年被毀滅式爆料、及後依家仲打緊離娼官司嘅李靚蕾。今次為谷飛，同時亦釋出王力宏最新靚相，繼續以白衫上陣嘅佢，手持結他、低頭專注彈撥，另一張就正對鏡頭，手按結他，蓄勢待發。