東網電視
更多新聞短片
台灣女星伊能靜下嫁內地影星秦昊，近年二人頻頻傳婚變，雖然每次伊能靜都力挽狂瀾撐老公，不過同時佢又成日語帶雙關咁疑似暗示情有變，搞到大家都摸唔透二人感情發展。尋日（14日）係情人節，伊能靜就上載轉帳紀錄，並發文寫道：「論男朋友和老公的區別，男朋友送花，老公轉帳。論女朋友和老婆的分別，女朋友喜歡花，老婆轉帳。」明顯暗示以前秦昊會送花，依家只會用轉帳示愛。
不過大家更在意佢附文嘅自拍，唔知係filter太勁定係伊能靜「變樣」，見佢眼變大、嘴變細，皮膚更顯白滑細緻，個樣直頭好似變咗第二個人一樣，真係點睇都認唔出。
伊能靜依家已經少咗好多晒同秦昊自拍。
今次佢就晒花。
仲有老公嘅轉帳紀錄，大家都明晒。
不過佢呢個樣…真係唔認得…
唔知秦昊認唔認得呢？
