東網電視
更多新聞短片
藝人康子妮近日認真黑仔，佢喺社交網自爆「被迫」練鐵頭功，仲晒出額頭腫過雞蛋嘅自拍，情況令人擔心！原來近日佢為咗不被抄牌，出盡力跑番上車時，竟無留意到玻璃門未開，結果一頭撼落去，搞到額前起「樓」，非常慘情：「一個人為咗唔好畀人抄牌會去到幾盡？係會撞埋一塊以為開咗嘅玻璃門度嘅。因為好多好朋友都好關心我，所以我會為大家直擊痊愈過程。大家可以放心😌！#阿凡達真人 #透明玻璃門總讓人有種想拍動作片撞爆的衝動 #A計畫續集 #鐵頭功是這樣練成的 #woneteam充滿人情味 #同事好有愛」難得佢受傷後，一啲都唔介意被大家睇到佢嘅醜態，公開受傷位置嘅痊愈過程，依家額頭已經消腫，但仍有一大片瘀痕，真係心痛死兩個仔喇。
嘩，腫到咁，一睇就知唔少嘢！
佢自爆係為咗唔好畀人抄牌，點知搞成咁…
快啲回復靚女樣。
屋企人實好擔心…
