唔心急紅館開騷　炎明熹等大個女搵人做MV男主角

聲夢人氣王炎明熹（Gigi）昨日（11日）為籌款節目《博愛歡樂傳萬家》獻唱，當中包括還未推出的全新個人單曲《大開眼界》，她表示：「首歌14號派對，15號會出MV。（個MV有咩特別？）會有懸崖同海，我會以旁觀者身份去講述故事。（有冇男主角？）有男主角同女主角，不過我同佢哋都無對手戲。（想唔想將來有自己嘅MV男主角？）想，我諗將來會有，因為長大了。（有邊個係你心儀男主角？）呢個世界太多人，我揀唔落手。（姑丈呢？）我問姑丈佢又扁咀。」

另外，問到可有計劃開個唱？Gigi坦言也想，但要跟公司商量，一切都要待考完DSE後，至於場地方面紅館會否是首選？她謂：「我非常之想，但覺得要儲多啲經驗先可以踏上呢個舞台，想喺其他地方表演先，唔使一嚟就紅館。」

提到在外地讀書的隊友姚焯菲（Chantel），Gigi表示有跟對方聯絡，之前未能跟Chantel餞行，她希望待對方返港時能跟夾到時間見面。