東網電視
更多新聞短片
梁諾妍（Inez）近日「單挑」湊女兒「Sir Face」Amber，帶囡囡到澳門玩兼探親，有朝玩到晚，在社交網她亦大讚自己「有吉屎」：「全日一打一湊 Sir face，好彩佢都跟婆婆同兩個舅舅，又同親戚姑婆、表姨丈公、叔公玩，阿媽少啲精力都唔掂、條腰少啲力都唔掂、耐性少啲都唔掂、臂力少啲都唔掂、反應慢啲都唔掂。」阿媽認真唔易做，由朝玩到晚， Sir face自然斷電，阿媽Inez去到坐船回程時也攰到瞓著，但她指是相當難忘的一天，玩得相當開心。
「洪嫂」單拖湊女遊澳門。
抱住愛女周圍行練臂力。
有得去旅行，Sir Face當然最開心！
玩足一日，阿媽同囡囡都冇晒電！
Sir Face瞓得好冧！
另外，梁諾妍日前拍攝保健品短片，以sports bra上陣大騷fit爆身材及馬甲線。她透露懷孕時期，體重高達150磅，之後透過定期排毒和改變飲食習慣，加上選擇合適的補充品及日常運動，才能收身成功，尤其排毒更是十分重要。問到會否追第二胎，Inez只說自己非常喜愛小孩，近日都有追看老公主持的節目，覺得他跟小朋友互動非常有意思，又說Amber帶來很多歡樂。
Inez熱愛運動。
Inez十分專業。
