陳慧敏決心唔做「年度歌手」　預告年尾開音樂會

入行10年的歌手陳慧敏（Vivian）最近推出新歌《十年如一日》，經過疫情曾想過轉行的她直言多得新歌歌詞，一字一句摑醒自己，讓她認清最渴望的，就是做一個站在舞台上表演的歌手，新曲讓她重新出發：「最慘係2021年，自己有出歌兼有電影做女主角，但係就冇做宣傳，回顧過去10年真係嘥咗唔少時間，自己揼石仔做咗唔少作品，但只係得自己欣賞。」

Vivian現時除了是歌手，更多了一重老闆的身份，背後有自己團隊支援，加上去年尾為小型音樂會演出得到不少事前並不認識她的觀眾鼓勵，感到相當溫暖，重燃起心中的那團火，更燒得相當旺盛。今年計劃多多的她透露7、8月會做音樂劇，年尾會開音樂會，更會出唱片，不再是每年出一曲的「年度歌手」：「以前諗得太多困難，Budget唔夠、疫情返嚟要隔離成個月，但係我覺得唔可以瀨個世界，依家要去解決問題。」

Hair : Kin Tam @IL COLPO GROUP