黃洛妍筵開35席生日宴　舞獅進場送驚喜

《聲夢傳奇2》亞軍黃洛妍（Janees）本月26日是她26歲生日，昨晚（3日）與約400名歌迷會「妍究生」（粉絲䁥稱）提前慶祝，於九龍灣筵開35席生日宴，藝人陳欣健及劉威煌等出席，十分熱鬧，這是Janees首次與歌迷渡生日，她炮製了神秘驚喜，親自舞獅進場，之後又表演拉小提琴及唱歌。

她受訪時稱生日宴由歌迷會籌備，跟過往生日簡簡單單食餐飯好唔同，自己苦練了兩星期舞獅頭，希望氹歌迷開心：「希望做啲唔同嘅嘢，所以諗有啲乜佢哋估唔到，自己好鍾意獅子王，所以就扮獅子。」本身畏高的她，更要跳上拍檔膊頭，練習時跳到腳痛。問她將來可以出跳唱歌？她笑言以後每次開騷前都出來舞獅，透露正籌備新歌，有望暑假推出。至於生日願望會否恨拍拖？她自爆已單身7年，但仍未想拍拖，認事業心重不想分心。問有否追求者？她說：「冇，或者我太傻豬Feel唔到。」