可嵐親手整兩層高大蛋糕　為細仔慶1歲生日

歌手可嵐去年突然宣布誕下第二胎後，日前為幼子Henrik慶祝1歲生日，邀請多位媽媽好友帶同小朋友赴會，雖然細仔只是1歲，但身材高大，而可嵐更親手為兒子做了個兩層高的大蛋糕，但背後另有故事。

原來可嵐未曾為大兒子Eugene親手做過生日蛋糕，所以今次藉着幼子首個生日特意開齋：「因為之前一直忙工作，根本冇時間為Eugene做生日蛋糕，作為一個媽媽，其實有啲內疚。所以今次Henrik生日適逢哥哥又考完升中試，就幫細佬搞生日會，等哥哥可以輕鬆吓之外，也可以第一次整個蛋糕畀佢哋。」

被問到疫情過後工作情況，可嵐稱自己一直除了網上電台工作外，間中都會接一些商演和音樂會和唱工作。另外，她在半山校區也開了一家魯肉飯專門店，現正在試業中，希望努力地將最好的給予兩位兒子。