東網電視
更多新聞短片
《全民造星IV》參賽者黃雅慧（咖哩）與「口罩小姐」米露迪，今日（13日）為ViuTV全新節目《我想身體健康》宣傳，任職屯門醫院醫生的咖哩透露現時已沒有在政府醫院工作，改在私人的醫美機構任職，問到有否圈中人幫襯？她說：「好多圈內外朋友支持，主要都係做皮膚保濕之類療程。（點解唔喺政府醫院做？）因為時間上冇咁彈性，好難就。（擔心演藝工作影響政府機構形象？）咁又冇，我參加造星時仲係政府醫院，前輩都好支持我參加。（多咗人因為你而去睇醫生？）又冇，大家都唔想入醫院。」
米露迪稱若有醫美需要會找對方，問有否想過微調？她笑言：「咁要大執先得，一係唔做，一做就要做到完全唔認得我個樣，所以不如唔好搞咁多，大家欣賞吓我內在。（如果要執，第一樣想執邊度？）執吓個智慧，咁需要換咗個腦。」
黃雅慧（右）同米露迪合體送心心！
米露迪稱若有醫美需要會找黃雅慧。
