東網電視
更多新聞短片
歌手陳宗澤（CY）和陳毅燊（ANSONBEAN）同是《全民造星III》出身，昨晚（28日）同台做騷，CY表示可以同老友同台感覺刺激，也希望將來工作上能拍住上。ANSONBEAN透露對上一次2人同台已經是去年聖誕，提到暑假會有一連串的音樂表演機會，還會首次唱校園騷，他說：「自己未試過唱校園騷，以前讀書做學生時睇過，當時係樂隊Dear Jane表演，覺得好有趣，幾開心。」《造星V》開始進入10強階段，他們都有留意今屆參賽者，CY欣賞亨仔（陳鎮亨）唱歌好聽，希望有機會合作，ANSONBEAN就喜歡希晉（王希晉）和Taco（黃泓祖）。
CY揀《造星V》亨仔做心水，仲想合作。
ANSONBEAN（左）將首次唱校園騷。
鄭欣宜早前病倒停工近兩個月，與欣宜同公司的ANSONBEAN表示不想八卦，但對欣宜表示關心，他沒有看過欣宜廟街Busking片段，他解釋：「我最近刪除咗社交網個app，因為多咗演出，唔想演出時分心而失準，想練好啲、專注啲，唔想玩手機上癮，所以都唔知最近啲新聞，依家係短暫戒手機。」CY就笑言近日也開始戒澱粉質減肥，已成功減掉7、8磅，目標希望減到10磅。
仲為咗唔八卦，佢刪除咗社交網app。
短暫戒手機，厲害。
欣宜
