黃翠如馬來西亞見粉絲被催生B：優先置業

藝人黃翠如日前到訪馬來西亞舉行粉絲見面會，她透露此行主要目的，是參與黎諾懿主持的真人騷節目。自稱「半個馬國人」的她，透露自己一直很想去金馬倫觀光，可惜今次諾懿卻選擇與另一節目嘉賓黎穎鏇到訪，令她相當失望。談到今次遇上榴槤季節，翠如開心謂：「今晚就開始食嘞。蕭正楠叫我帶咗啲香蕉餅過嚟送俾契仔，但小朋友睇咗一眼就放埋一邊，因為佢唔鍾意香蕉，哈哈！」

翠如即場被粉絲催生B，她接受當地傳媒訪問時卻坦言：「想留多啲時間去陪我哋嘅父母，始終佢哋都年紀大嘞。」她未有否認於馬來西亞置業的打算，還透露：「想買大啲嘅單位，想要雙方父母嚟短住，都可以有地方瞓。依家馬來西亞地產起落我都會緊張，自己有份嘛！」