東網電視
更多新聞短片
視頻觀看次數: 9.1k
今日係7月12號，農曆五月廿五，適合會友、出行同移徙，一於約埋朋友，即興嚟個旅行，一定可以令你心情靚靚。最旺生肖係猴，屬猴嘅人今日人緣超旺，記得陪屋企人食吓好嘢，增進感情。娜扎就係屬猴，雖然去年被爆舊愛徐開騁一腳踏兩船，令娜扎感情失意，但依家佢已經走出情傷，而且狀態勁好。
娜扎舊愛徐開騁，去年被爆一腳踏兩船。
娜扎嘅新劇《雪鷹領主》現正熱播。
呢排又有新劇《雪鷹領主》上映，事業都有所提升，加上最近被拍到跟同拍檔許凱互動勁Sweet，網民都希望二人戲假情真，紛紛送上祝福，唔知係咪好事近呢？果然人緣勁好！
同拍檔許凱喺鏡頭後打得火熱。
今日嘅幸運星係山羊座，你哋幸運指數係排第一，好啱做多啲有意義嘅事。殿堂級女演員鞏俐就係山羊座，自2019年同法國音樂藝術家結婚之後就定居法國，間唔中仲會一齊參加藝術活動。早排又去咗北京參加藝術節，57歲嘅鞏俐係零濾鏡嘅情況下，狀態依然滿分。今日幸運指數咁高，鞏俐都要多多出去參加藝術活動啦，生活充滿意義，先可以保持年輕。
鞏俐婚後定居法國，同老公經常出席活動。
鞏俐早排去北京參加藝術節，57歲嘅佢狀態依然滿分。
