東網電視
更多新聞短片
藝人吳堯堯（仙樂都）近日拍攝飲食節目，吃盡參茸海味，幫自己滋陰補身自肥，其中一集她就與拍檔傅淖鈴在一個下午吃了6隻溏心一頭鮑魚，恨到觀眾口水直流，但她就晒命要減肥。「我哋食咗6隻溏心鮑，即係每人食咗3隻一頭鮑，仲有海參和花膠，飽到晚飯都食唔落，有排都減唔到肥，本身想同姊妹去游船河着三點式，依家我諗要着番一件頭，希望有纖體公司幫我修身，唔好影響市容。」
她透露為網上飲食節目《覓食大灣區》前後拍了10多集，吃勻私房菜、火鍋、鐵板燒、西班牙菜及新鮮海鮮等，令她對食見識廣博。她對食要求好簡單，認為好又一餐，簡簡單單又可以一餐，最緊要食得開心，今次最大得着，學識用簡單方法在屋企炮製補品補身。提到工作方面，她近日修讀了多個關於教育兒童的課程，會在農莊教授小朋友畫畫和做勞作。另外她本身有做開護膚品及健康產品網購生意，現又計劃與好友伍淑怡合作開設一個關於美容的頻道，由於她們英文都叫Yoyo ，她笑言：「我哋今次係兩個YoYo去扮靚。」
仙樂都拍飲食節目。
自肥食一頭鮑。
又歎盡參茸海味。
