傅穎難得返港靚樣再進化　愛貓唔認得主人拒抱

前Cookies成員傅穎（Theresa）近年專心喺內地發展，近日難得有空檔，即返港快閃幾日，同家人朋友食飯見吓面，應該太耐冇返屋企嘅關係，連佢愛貓都唔應得佢啦，對住佢成個「黑人問號」咁樣，仲唔畀佢抱添，搞到佢都無奈，好在經過一輪相處之後，貓咪終於憑氣味記得番佢，極為治愈，網民都戥佢開心呀！而網民仲留意到38歲嘅Theresa個靚樣再進化，皮膚緊緻白滑，大讚佢Keep得好，簡直係逆齡生長呀！