東網電視
更多新聞短片
觀眾睇演唱會時騷擾表演者的事件經常發生，美國鄉謠天后Miranda Lambert近日在拉斯維加斯舉行駐場騷時就發生同類型事件，事件更不斷發酵成為一眾「花生友」爭拗的話題。
Miranda開騷有粉絲狂自拍。
6名粉絲一字排開當正偶像係「人肉布景板」，認真離譜！
Miranda見狀即時發火指罵粉絲。
事源當時Miranda正投入表演之中，突然台下一名女粉絲卻唔生性與同行的幾名好友當Miranda為背景板自拍合照，Miranda見狀即時停止表演並指住粉絲要求她們專心睇騷：「呢班女擔心佢哋嘅自拍而唔係聽緊歌。咁樣令我有少少嬲。我哋今晚喺度係聽啲鄉謠音樂。我唱緊啲仆X鄉謠音樂。」最後被公開指責的粉絲冇癮地拉埋幾名好友離場抗議，其中一人更表示：「我哋走喇，你唔可以咁對你嘅Fans。」
天后發火，非同小可！
事後女粉絲Adela Calin仍死不悔改繼續於社交網貼她們的合照，照片中她與5名女性好友一字排開同Miranda合照，而她亦有受訪為自己同朋友辯護，她表示整個拍照過程只得30秒以內亦沒有阻擋任何觀眾視線。而她直言她們對被Miranda鬧而感震驚，因為她們沒有做錯，並直言以後不會買飛睇Miranda開騷。
