東網電視
更多新聞短片
「星女郎」林允日前網晒片段，突然與多名國際巨星同場，不但成功集郵，更有超親密接觸，令人羨慕！期間佢一見到荷里活男神里奧勒度狄卡比奧（Leonardo DiCaprio）即時心心眼，攬實對方手臂，兼狂放生電，之後又挨實葡萄牙球星C朗膊頭，並同荷里活大導演史提芬史匹堡及「球王」美斯集郵，最後仲與「黑寡婦」美國女星史嘉娜祖漢遜（Scarlett Johansson）作勢玩錫錫，其實林允只係去到蠟像館，同一班巨星嘅蠟像影相，不過佢就七情上面，當正真係見到本尊一樣，認真搞笑。
林允狂電里奧仔。
姣擒C朗！
又同美斯集郵。
作勢錫「黑寡婦」！
仲好仰慕史匹堡，但其實只係同蠟像影相。
