東網電視
更多新聞短片
《2023香港小姐競選》16位佳麗今日（3日）以小背心到尖沙咀出席簡和堂益生菌活動，她們分組答問題玩遊戲，又攞甫士鬥靚展現美態，最後「最美Pose」獎項冠軍由（4）王怡然奪得，亞軍是（3）鄧凱文、季軍則是（1）吳詠婷。
「最美Pose」獎項冠軍由（4）王怡然奪得。
亞軍是（3）鄧凱文。
（1）吳詠婷得季軍。
熱門佳麗（4）王怡然與（15）莊子璇接受訪問，講到怎樣護理身體準備決賽，王怡然指最近「中招」是意外，已經好番，會多飲水保持健康，對於第一次攞獎相當開心。
莊子璇則自認「藥煲」身體潺弱，經常病，她說：「我好容易病，之前已經病咗，越南外景又病，今日都有少少聲沙沙，希望病多啲決賽就唔好再病。」由參選到現在也被視為熱門的她指並不是壓力大而生病，由細到大也容易病，自嘲是西藥藥煲。提到她早前到越南拍攝外景被「視后」胡定欣大讚，她說：「有啲受寵若驚，好多謝佢，喺後台都有同佢傾偈。」講到一直是風頭躉可擔心其他佳麗眼紅，她則說：「做好自己，人哋點睇係人哋嘅事，把口喺人哋度。」
（4）王怡然（左）同（15）莊子璇受訪。
（15）莊子璇覺得最緊要做好自己。
