張杰開騷謝娜拉隊捧場　趙麗穎激罕紮紮跳狂歡

內地藝人謝娜同歌手老公張杰人氣高企，而謝娜雖然早前喺綜藝節目《乘風2023》嘅「乘風之夜」中，因得獎感言過於敏感而被刪走，不過睇嚟對佢心情影響就不大之餘，日前（25日）仲喺社交網晒出老公張杰開騷畫面支持外，仲隔空高調放閃，認真恩愛。

最近喺內地舉行巡唱嘅歌手張杰，引嚟唔少粉絲熱烈捧場外，謝娜更喺社交網晒出一段現場影片，只見唔止有老婆謝娜力撐捧場，向來喺圈中好人緣嘅張杰，亦引嚟趙麗穎、秦霄賢、李承鉉、沈凌等內地人氣偶像捧場，隨住音樂節奏嘅搖擺，真係隔住個Mon都感覺度現場氣氛有幾熱烈，而謝娜亦喺社交網寫道：「抓住一個蹦迪的老秦，原來他真的很喜歡蹦迪！最主要的是身邊還有朋友們，麗穎、承鉉、沈凌等等等！以及幾萬人一起在蹦迪！」引嚟唔少網友留言：「麗穎妹妹蹦得還是稍顯矜持！」、「姐能不能給台上賣力的那位一個鏡頭？」就連秦霄賢都留言道：「有點兒，DNA動的太明顯了。」