林作被炒創業勁賺月入過百萬　裕美收足金龍鳳鈪被催婚

早前被保險公司炒魷魚的林作，今日創業新店開張，林作母王莉妮，偕同現年107歲的外婆出席，婆婆今日更專登來見準孫新抱裕美，及提早送上一對重3両的足金龍鳳鈪，金鈪寫上：「祝林作新婚之喜」，直言希望可以親手給孫新抱戴上，問是否想今年完成心願？婆婆笑言：「希望盡快。」三代同堂與裕美一同合照，代表關係全面破冰。

林作寸家人好市儈：「我畀人炒時又唔出嚟，撈得掂就六親出現，霉嘅時候就六親唔嚟。」他稱新店月租26萬，連3名職員，對投資有信心。他表示以前做保險每月平均收入30萬，現在每月收入過百萬元，笑言老母偷他光環，可以母憑子貴。

新店於1日試業，卻遇上10號颱風，原本昨日正式開業，差點便碰上百年一遇的嚴重黑雨，他稱自己命格太強，是貴人出門招風雨。早前裕美尋回失散23年的日籍親父，她表示爸爸習慣寧靜生活，會居住在日本本州，她會經常飛日本探望，她給爸爸看過林作的照片：「爸爸讚林作靚仔，可能有散光。」林作表示若賺夠錢，希望年底陪裕美一起拜見未來外岳父。林作稱4年來只有裕美陪他共患難，表示準備睇半山樓築愛巢。