洪永城囡囡搣甩Sirface　愈大愈似媽咪散發公主味

藝人洪永城 (Tony) 與太太梁諾妍 (Inez)，於2021年結婚後誕下愛女Amber(洪寶寶)，一家三口相當幸福。 快將2歲的Amber，最近隨家人到了吉隆坡旅行，首次搭飛機的她表現興奮。Inez網晒旅行相片和片段，表示：「帶呀女呀婆婆同工人姐姐去吉隆坡吃喝玩樂之旅。第一次搭飛機嘅sirface冇扭計好安慰，佢哋都係第一次去馬來西亞，時間點解過得咁快，轉眼佢哋已經返咗香港，美中不足嘅係我生病了開工，同帶佢哋出去玩，一有時間就瞓瞓瞓，終於有返啲力氣，簡單咁剪咗啲小碎片。好彩我有做足安全保護措施，佢哋3個都冇病冇痛，精精神神咁返香港。見到Sir face咁開心，幾病幾攰都值得。」

片中見Amber愈大愈得意靚女，成功搣甩了「Sir face」，不再似爸爸洪永城開始似媽咪。Amber一對眼睛相當精靈，穿上裙仔的她扭動身軀，十分可愛，散發出小公主的味道。其中一段中，Inez在餵Amber食榴槤，見Amber大啖食似乎相當受落。網民大讚Amber：「小美女」、「心都融化了」。