鍾麗緹25歲大女當眾除bra換褲　真空D奶瀕臨走光

一代性感女神鍾麗緹25歲大女張敏鈞（Yasmine），遺傳晒媽咪良好基因，靚之餘身材玲瓏浮凸，目測至少D Cup仲勁過媽咪！雖然平時都會性感上陣，但今次竟然玩到當眾除胸圍同褲，簡直震撼眼球！

片入面見到着住背心長褲嘅Yasmine突然開始除衫袖，淨用單手按住上胸再除埋胸圍，烏低身即見事業線瀕臨走光邊緣！之後Yasmine再無懼凸點，「真空」狀態下換件閃閃tube top，再跟手除埋條牛仔褲！

原來現場係天后Beyoncé演唱會，隔籬有勁多觀眾Yasmine真係好鬼大膽！佢話自己好忙但又要為演唱會梳裝，所以就有呢個咁養眼嘅「變裝表演」啦！佢私下都咁狂野第時嘅演藝作品會唔會有更大驚喜呢？