東網電視
更多新聞短片
美國流行音樂天后Taylor Swift的戀情向來備受關注，早前她被傳與美式足球明星Travis Kelce撻着，雙方近幾周更經常見面。而男方的球隊堪薩斯城酋長昨日舉行的比賽，Taylor更被電視台及觀眾影到現身，並與Travis的母親於貴賓包廂坐在一起睇波，因而令緋聞熾熱度急升！
球星Travis出賽。
緋聞女友Taylor Swift捧場！
與緋聞男友母親一同現身球場。
Taylor與緋聞男友母親一同起身鼓掌。
球迷舉牌食字抽下水。
片段中見到Taylor與Travis的母親Donna一同穿上酋長波衫睇波，2人睇得相當投入並有講有笑，當Travis「達陣」時Taylor更開心到彈起身喝采及尖叫，更一時忘記儀態爆粗為男友打氣。 Travis沒有在女友面前失威，最終帶領球隊贏波！完賽後，換回便服的Travis與Taylor被粉絲影到一同於場館，2人並未有拖手只肩並肩離開，雖然被「斷正」，但Taylor仍然笑臉迎人與粉絲打招呼。據知之後Taylor跳上他的開蓬座駕離去。查實上周初Travis已向外「放風」表示會邀請Taylor睇波，他當時說：「我同佢講，我喺Arrowhead（體育館）見你搖滾舞台，你要嚟睇番我喺同一地方震撼個場，到時睇下邊個更勁。」而他的美式足球員兄長Jason日前受訪時亦直言相信「孖T戀」是真的。
完場後Travis與Taylor被影到一同離開。
Taylor為緋聞男友吶喊助威。
