吳浩康傳婚變　郭思琳發文：令大家失望了

歌手吳浩康（Deep）上年同拍拖半年嘅「格鬥女神」郭思琳奉子成婚，囝囝出世之後，昔日火爆嘅Deep變成「世一愛妻號」，今年2月，仲放閃慶祝結婚周年，點知日前中秋節驚傳婚變，於社交網發文鬧爆Deep唔肯陪囝囝影全家福，仲疑似帶埋囝囝離家出走，雖然之佢有回應否認離婚，坦言做新手媽媽很辛苦，夫妻間難免意見不合，並自爆與老公分房瞓已超過1年。

今日（2日）佢再於社交網發文，指之前嘅發文，係因為囝囝錯手發文所致：「從來無諗住要公開去話自己老公，只諗住DM話畀佢知老婆有咩不滿啫。」仲力證與Deep冇離婚：「唔好意思令大家失望了，我同我先生仲未離婚，亦都無諗過要離婚。」仲放閃幫老公Deep宣傳社交平台嘅節目添！