东网电视
更多新闻短片
无綫“金句王”方东升同3位“升女郎”黄晓莹、李晓欣、黄靖婷主持嘅两辑《寻人记》大获好评，不过喺今年7月嗰阵，播完节目《好睡好起》后，李晓欣亦随黄靖婷步伐，宣布离巢，2位“升女郎”都相继离开，令到网民都大叹可惜！
李晓欣离巢至今已经逾2个月，虽然未见佢有返新工，仲得闲四出散心，早前佢喺社交网大晒带狗仔放电嘅片，留言：“最近太好天了，带Dobby放电尽情跑，见到佢跑到弹吓弹吓就好开心，快乐有时可以好简单。”佢喺车上倒后镜中同爱犬自拍，原来佢系揸架白色开篷车载狗仔兜风，认真架势，好有爱心咁话：“领养代替购买 #领养不弃养 #唐狗也是宝。”而近日佢就大晒去咗意大利威尼斯旅游嘅相，睇见佢一身文青打扮，头戴藤织草帽，好写意咁游山玩水，真系生活无忧，相当富贵喎！
28岁嘅佢喺澳洲读完大学之后，于2016年加入无綫并成为无綫新闻台主播，其后转职记者，过年几年间同方东升合作无间，合作拍过《长命百二岁II》、《这么远，那么近》、《寻人记》、《寻人记II》及《好睡好起》等，令人印象深刻嘅节目。
李晓欣已离巢逾2个月。
李晓欣揸开篷车载狗仔兜风。
最近仲去咗意大利旅游。
李晓欣同方东升曾合作多个节目。
