黃智雯無預警下宣布婚訊：旅行結婚計劃終於實現！

40歲無綫花旦黃智雯（Mandy）今日（5日）喺無預警下，於社交網宣布婚訊，仲大晒甜蜜婚照，留言：「一直深信，我是個很幸運的女孩，身邊總包圍着愛錫自己的人，在被愛的環境下溫暖成長，感恩有你！#我們結婚了」

其實黃智雯同從事珠寶業嘅男友Anthony拍拖逾10年，一直以來感情穩定，屢傳婚訊，佢接受訪問時表示：「多謝大家嘅祝福，因為另一半係圈外人，所以對感情事一直保持低調，希望大家諒解，我們一直都有旅行結婚的計劃，喜歡簡約、純粹一點，好感恩今年終於實現到啦！！回港之後亦已經和家人一起慶祝分享喜悅！」

好友姚子羚恭喜黃智雯：「好開心呀～恭喜佢哋，雖然Mandy，同佢老公喺我地眼中都老夫老妻㗎啦！但終於見到佢哋嘅婚禮好高興。」而趙希洛亦有祝福黃智雯：「我祝賀她，我感到非常高興。她是最美麗的新娘，祝她幸福無盡。」