東網電視
更多新聞短片
藝人陳凱琳（Grace）積極經營網紅事業，近日佢與老公鄭嘉穎拍片上演「夫妻劇場」，一開始鄭嘉穎照顧細仔Carlos，指細仔食淨好多嘢，問太太點算好，Grace一句表示：「掉咗佢啦！」Carlos即交足戲做出喊樣，隨後鄭嘉穎攤喺梳化玩電話，Grace問道細仔去咗邊，鄭嘉穎答道：「你叫我掉咗佢吖嘛！」嚇得Grace即刻衝去垃圾房搵仔，其實鄭嘉穎只係整蠱老婆，即得戚笑指：「你唔係真係信呀？」搞到Grace勁無奈，仲留言表示：「有時候我也不知道該生氣還是笑？」片段一出，網民卻彈Grace演技太浮誇，不過就大讚Carlos一秒入戲，其實佢先係最好戲！
陳凱琳孖住鄭嘉穎拍片。
細仔食唔晒啲嘢，陳凱琳大叫：「掉咗佢啦！」
嚇到細仔即喊。
鄭嘉穎表示掉咗細仔出街。
陳凱琳信以為真。
衝去垃圾房搵仔！
