東網電視
更多新聞短片
前台灣組合黑澀會成員吳映潔（鬼鬼）多年嚟人氣高企，憑直率表現深受觀眾喜愛，原來34歲嘅佢相當有投資理財頭腦，已攢下4間房產嘅佢更係圈中小富婆，今年5月受訪時佢就講到自己嘅台北市中山區4,000萬新台幣（下同，約974萬港元）新家正在裝潢，裝潢費更豪砸700萬（約170萬港元）。依家佢間45坪（約1,450呎）新家，終於曝光，裝修舒適簡約又有質感，不過鬼鬼就久久未搬入新居，原來有原因。
鬼鬼私下已攢下4間房產。
今次間屋值4,000萬新台幣。
裝修簡約又有質感，型！
鬼鬼經理人受訪時苦笑，鬼鬼確實即將搬入新居，但因為鬼鬼實在有太多嘢未搬晒，加上鬼鬼好信風水，要挑選黃道吉日先可以入住。啱啱結束紐約時裝周工作嘅佢，回國後要還工作債，新單曲亦籌備中，連接跨年演出都confirm到。
淨係裝潢費都要700萬新台幣。
佢要擇個吉日先入住。
