東網電視
更多新聞短片
內地頂流女星迪麗熱巴，相隔四年再次參加綜藝節目，唔少網民都表示相當期待，不過節目播出後，佢就遭到一些網民嘅批評。近日佢參加嘅真人騷《花兒與少年》釋出花絮，影片中眾成員一齊睇已經播出嘅第一集，當節目播到辛芷蕾提出希望迪麗熱巴做導遊嘅場景時，節目組貼上咗一張佢嘅Cap圖作為頭像。怎料呢張Cap圖將佢嘅面形拉長，五官明顯變形，令佢嘅法令紋更加明顯，見狀佢即時問到：「為甚麼要截那樣一張圖啊？」
參加真人騷《花兒與少年》。
被節目組Cap咗張樣衰相。
見狀即質問節目組。
影片播出後，佢就遭到一批網民大駡，直指佢本身個樣就係咁，同節目組無關。又吐槽佢欠缺綜藝感，因為作為節目組不時都會截取一啲搞笑場面做賣點，而佢只係關心自己被Cap嘅圖片樣衰，完全唔在意節目效果。真人騷播出咗一個禮拜，佢已經被唔少觀眾指出喺節目中太過拘謹又放唔開，即使將佢全部鏡頭刪減走，都唔會有任何影響。
難得參加真人騷竟然被話係最無聊。
被網民吐槽欠缺綜藝感。
