東網電視
更多新聞短片
已故賭王兒子何猷君同內地名模老婆奚夢瑤婚後生咗2個小朋友，先後誕下大仔何廣燊（Ronaldo）同細女Romee，湊成一個「好」字，一家四口生活幸福美滿。而向來去邊都出雙入對嘅2人，日前就齊齊出演內地真人騷，喺節目上大放閃光彈外，何猷君竟然喺節目大爆自己被老婆冷落。
恩愛如初。
節目上何猷君先係分享當初同奚夢瑤相識相愛嘅經歷，猛烈求愛程度甚至一度畀奚夢瑤認為：「我當時覺得這個人是不是不上班，一天到晚叫我出去玩。」不過隨着2人成家立室後，奚夢瑤更係將所有關注都放晒喺小朋友身上，唔止為小朋友準備全套名牌童裝外，就連孭嘅袋仔都係聯名嘅名牌袋，簡直係集萬千寵愛於一身，唔怪何猷君會喺節目上呻畀老婆冷落：「小孩需要的東西，肯定是不會有一毫米是漏掉的，然後我的這個總是衣服量很少，經常連襪子都沒有呀！我怎會4、5年穿的都是一樣的東西。」對此，奚夢瑤則笑道：「我實在是沒有想到買衣服這些事情，就是忘記了！」
何猷君節目分享同奚夢瑤相識相戀經過。
係咁關心人哋食飽未。
慘食檸檬。
奚夢瑤一度以為何猷君不務正業。
夫妻互動甜到漏。
似足普通夫婦嘅互動。
奚夢瑤成日喺社交網分享育兒點滴。
好鍾意母女裝。
好得意呀！
