東網電視
更多新聞短片
性感女星舒淇保養得宜，對自己美貌向來甚有自信嘅佢，亦毫不介意素顏示人，日前佢更晒出妝前素顏照外，零濾鏡下嘅肌膚瑕疵更係清晰可見，不過女神嘅極真實素顏亦引嚟唔少網友激讚：「這麼自然才叫做女神。」
樣靚身材正。
舒淇近年除咗戲劇演出外，喺時尚界更係發光發亮，不時飛往各地出席時尚活動之餘，更會喺社交網分享近況同粉絲互動，日前舒淇亦喺社交網透露自己又要搭飛機出Trip，並晒出一張素顏搽底霜嘅相，而相中嘅舒淇雖然眼大大，不過黑眼圈、暗沉黑斑及眼周細紋都通通一清二楚，超真實嘅肌膚狀態引嚟唔少網友留言道：「明星就舒淇如此自然不做作，沒有濾鏡和修圖！」、「喜歡你自然又自信。」、「還是很漂亮，不信49歲了。」、「這就是接受自己最美的樣子吧！」
時尚界嘅寵兒。
真係活出自信美。
