曾比特聖誕登台搵真銀　唔怕女友詐型

曾比特（Mike）和少女組合XiX今日到馬鞍山出席聖誕活動，眾人在台上大玩遊戲及獻唱，場面熱鬧。Mike透露聖誕會四圍登台搵真銀，雖然很想飛到歐洲過白色聖誕，但時間並不允許。

問他只顧工作女友可會詐型？Mike笑笑口表示：「冇問題嘅，女朋友緊要，屋企人緊要，搵錢都好緊要，依家係事業衝刺期，所以專注工作先。」

Mike自爆經常被媽咪詐型，經常「通緝」他回家喝湯，他說：「我上年踩滑板跌倒，媽咪好擔心我，佢好耐冇見我，所以成日叫我返去飲湯。（傷到邊到？）左邊椎間盤突出，要食藥止痛，不過有多啲工作就冇事。」

XiX則希望邀Mike合唱及跳舞，但要待對方康復才能成事，她們表示：「可以同Mike合唱係我哋榮幸，或者先合唱慢歌，再合唱快歌。