S.H.E合體捧巨肚　Selina提前做一件事避免「石頭奶」

台灣女星任家萱（Selina）9月誕下囝囝「小腰果」，當時除咗男友小徐，Hebe（田馥甄）及Ella（陳嘉樺）更係全程陪產，雖然事隔生產已經2個月，不過Selina日前亦喺社交網晒出生產前，同Hebe及Ella一齊捧住巨肚合照嘅靚相，並寫道：「腰果腰果代號007順利結束任務回家！我們準備迎來一家三口的新任務。」

另外，Selina亦透露自己喺生產前就已經擔心產後嘅「哺乳」功課：「這是成為媽咪後才能有的珍貴經驗，一開始有點擔心又很緊張，自己提前做了很多功課，看到許多媽咪變成『石頭奶』甚至痛到流淚，就決定要好好的重視哺乳這個任務。」因此，Selina更表示喺生之前更特登去上堂：「一直到現在哺乳親餵這件事，我可以自豪的說腰果和媽咪都做得很棒！」雖然Selina喺社交網用「一家三口」呢個詞，不過佢同男友小徐到底有冇登記結婚，至今仲係一個謎。