蔡少芬孖老公行街被野生捕獲　網友爆張晉虛報身高

藝人蔡少芬與張晉婚後育有兩女一子，一家五口生活幸福美滿。而因工作關係，不時要中港兩邊走嘅2人，日前就被網友喺商場野生捕獲到夫妻恩愛一幕，只見喺商場同人傾偈嘅蔡少芬，身邊則係老公張晉帶住囝囝企喺度等佢，然而張晉雖然表現體貼，被唔少網友激讚好老公，不過都有唔少網友搞錯重點，發現張晉似乎「虛報身高」。

張晉對外公開身高為175cm，而蔡少芬則係172cm，不過就有唔少網友認為張晉矮過蔡少芬：「熱知識，官方175（張晉）那肯定沒有175！」、「蔡少芬172應該是真的，因為港姐對身高很嚴格的，張晉肯定沒有175！」、「我是覺得張晉沒有175。」事實上，對蔡少芬嚟講，無論張晉有冇175cm都好，對冇對方對自己好、錫自己咁好。