東網電視
更多新聞短片
藝人練美娟（娟姐）與陳安立（Brian）今日（7日）出席慈善行起步禮，Brian表示已是第6、7年參與，笑言最開心是儀式後與一大班同事去飲茶，他説：「餐茶好緊要，我哋啲老同事同新同事坐埋一齊，靠呢餐茶溝吓大家認識吓，啲後生仔要陪吓我哋啲Uncle飲吓茶。」談到二人也剛過生日，2日生日的娟姐表示由聖誕慶祝到現在：「玩到聲沙沙，之前飛咗去非洲、歐洲同澳洲兩個月拍節目，趕得切返香港慶祝。」
至於上月27日生日的Brian就表示與娟姐同屬山羊座，大家性格也相近，又表示生日和結婚周年很近：「所以都係同太太一次過慶祝。（想唔想生個龍B？）趕得切？努力中，我同太太都鍾意小朋友，如果小朋友同我差唔多時間生日都幾好，情人節都可以，不過聽人講龍B競爭好大，要搵個出色嘅姨姨照顧。」身旁娟姐即自薦要做姐姐，更笑指作童養媳也沒問題，她表示對結婚生仔一切隨緣，笑稱還未找到合適人種，有好消息會再告知大家：「話唔定我會生咗仔先呢！」
ViuTV眾藝人出席慈善行起步禮。
陳安立表示可藉此與後輩聯誼。
他又提到會積極造人，練美娟笑指待其BB生世後可做童養媳。
