東網電視
更多新聞短片
台灣啦啦隊女神林襄，樣靚身材正嘅佢，不時喺社交網大派福利，人氣紅遍亞洲地區。而日前趁住放假同一眾隊員去咗日本北海道玩嘅佢，估唔到竟然畀隊友大出賣，唔止影低佢瞓到口擘擘嘅醜照，仲偷偷地塞埋嘢入口大整蠱，認真搞笑。
去邊都可以瞓。
日前，同林襄一齊去咗北海道玩嘅李芷霖，喺社交網晒出一段林襄喺巴士瞓着嘅畫面，相中可見瞓熟嘅林襄擘大晒個口，絲毫冇晒平時嘅優雅氣質，反而多咗份可愛，不過就畀隊友李芷霖大整蠱，竟然偷偷塞咗個口哨喺林襄嘴入面，而毫無發現嘅林襄則係繼續瞓覺之餘，下唇仲不時顫抖，趣致睡姿冧暈唔少網友外，張雅涵更笑道：「下唇動動達人！」而隨着林襄真實睡姿曝光，更引嚟唔少網友留言道： 「哈哈，確定沒在說夢話嗎？」、「這樣好嗎？哈哈，雖然她本人應該不在意。」、「肯定在吃好料！」、「也睡太熟了吧！？」、「真的是哪裏都能睡的襄。」最後，林襄本人亦轉分享道：「超白目的人！」搞笑互動更證明林襄同隊友感情深厚。
瞓到比人偷偷塞嘢入口都唔知。
不過睡相都幾可愛。
今次形象全毀呀！
樣靚身材正。
