東網電視
更多新聞短片
藝人楊偉倫、麥沛東及蔡頌思演出張達明執導舞台劇《你好，打劫！》將於下月初公演，一眾演員今日（24日）雲集葵涌綵排。談到今次答應演出，楊偉倫表示是被劇本及故事吸引，不過由於場地問題，只能演出6場略嫌未夠喉，笑指希望能夠早日重演。
蔡頌思表示首次與楊偉倫及麥沛東合作：「合作之前係完全唔認識嘅，但喺大銀幕睇完佢哋嘅演出就變咗小粉絲，我唔想畀佢哋知道，所以扮唔傾慕，哈哈！（欣賞佢哋啲咩？）靚仔、有型同風趣呀，仲會指導我哋其他演員。（頭先綵排打劫戲，佢兩個個樣好惡喎。）唔會畀佢哋嚇到，因為平日好有喜感。」
蔡頌思原來係楊偉倫同麥沛東Fans。
貪麥沛東靚仔、有型同風趣！
仲要扮唔傾慕。
談到今次演出難度，蔡頌思續說：「我諗係其中一場同麥沛東跳辣身舞，佢跳完真係成身汗！」麥沛東打趣以往演出音樂劇，也曾試過一展舞技：「不過第一次同異性演跳舞，彼此嘅節奏要配合得好好，偶一不慎就會踩到對方，今日排舞師話我『扮』跳舞扮得好好！」在旁楊偉倫笑說：「麥沛東嘅志願係做舞蹈員。（羨慕佢有「艷福」？）又唔會嘅，因為每個人都自己嘅命嘛，佢哋都辛苦嘅，我反而慶幸自己唔使跳。」。
楊偉倫話自己條命唔使跳舞。
睇嚟個舞台劇最開心係佢。
