东网电视
更多新闻短片
台湾女星徐熙媛（大S）前夫汪小菲，近日透露已于台北租新屋，疑同新女友、台湾混山东嘅网红Mandy曼蒂培养感情，佢亦提过会带佢同大S嘅一对仔女箖箖同小玥儿到新加坡过年，估唔到一转头就有网友上载多张佢哋一行人喺新加坡食饭嘅靓相。有网友晒出大批偷拍相，见到汪小菲母亲张兰同几位亲戚飞去团圆，快满10岁嘅小玥儿身高就快要追过阿嫲张兰。
汪小菲（黑衣）被撞到现身新加坡辣椒蟹餐厅。
同行仲有Mandy曼蒂（右一）。
网友称喺当地最佳辣椒蟹嘅餐厅用餐，发现汪小菲同女友、张兰、一理小朋友及亲戚聚首一堂，张兰同小朋友行出餐厅，汪小菲仔仔箖箖够活泼，同其他小朋友一齐跳起身摸天花板啲灯，家姐小玥儿就跟住张兰，不过张兰忽然步履蹒跚，同平时直播带货时活力模样差好远。不过大家最想睇嘅，反而系汪小菲带埋Mandy齐齐出席家庭饭局，仲同新欢及仔女行街街，明显系对Mandy身份嘅肯定，疑带佢见“准奶奶”张兰。
小玥儿（黑衫）已经有嫲嫲张兰咁高。
张兰就忽然步履蹒跚，令网友担心。
汪小菲带埋Mandy、小玥儿齐齐行街。
