麥大力晒恐怖血痕相　美國滑雪出意外斷股骨

無綫早前舉辦嘅「衝上雲霄大選」冠軍麥大力（Derek），身為混血機師加入電視界，仲同腰果眼女神簡淑兒拍拖，成個人生package幾咁完美，近日麥大力去到美國Mount Snow滑雪，點知就忽然自爆出意外，搞到右腳多處都有手術後嘅恐怖血痕，情況嚴重！

佢上載多張滑雪相，本身喺雪山上着晒Full set滑雪gear嘅佢，下一張相就見到佢瞓喺病床，雖然佢仲笑容十足，仲用被包晒成個人，淨係露出靚仔樣，之後更見到佢晒出右側大腿做完手術嘅傷痕相，原來麥大力不慎摔斷股骨（俗稱大腿骨），隨即被送往當地醫院進行手術，其大腿外側至膝蓋位置留下4個深長縫合傷口。麥大力用英文留言：「農曆新年以一聲巨響結束，好事變壞事，人體最難折斷的骨頭之一成功折斷，這算甚麼成就？🤪2024滑雪季結束。我仲未話畀父母知，你估吓件事會幾快傳到去佢哋度？」